Prensa 29/08/08

La Voz de Galicia

A Xunta aproba un investimento de 328.266 euros para as obras de ampliación do Hospital do Salnés

Enlace a noticia completa premendo eiquí

O Consello da Xunta aprobou onte os convenios que permitirán levar a cabo unha serie de obras de mellora en varios hospitais galegos, entre eles, o do Salnés. A cantidade total que se investirá en devanditos traballos é de 1,2 millóns de euros, dos que 335.150 irán para Virxe dá Xunqueira, de Cee; 282.714 para o hospital de Verín; 300.000 para o de Barbanza, e 328.266 para o Hospital do Salnés.
As obras no centro comarcal xa están en marcha, coa construción da terceira planta do edificio, o que permitirá aumentar considerablemente o número de camas. Aínda que os traballos empezaron no mes de xullo, as primeiras semanas investíronse na colocación dos guindastres e a adquisición dos materiais, polo que non foi ata hai pouco que os pacientes empezaron a notar os traballos que se están levando a cabo, e que xa son perceptibles.
Desaloxo

A construción da terceira planta do hospital obrigou a desaloxar a segunda, polo que durante o verán, os pacientes da zona do Salnés que tiveron que ser hospitalizados foron trasladados aos centros do Complexo Hospitalario de Pontevedra, que optou por non pechar camas este ano para dar así servizo aos pacientes derivados da comarca. Se se manteñen as previsións, a segunda planta debería reabrirse no mes de outubro, mentres que as obras de construción da terceira continuarán ata finais de ano.
A ampliación do número de camas non son as únicas melloras que se van a levar a cabo no centro, que tamén verá mellorada e ampliada a zona de urxencias, uns traballos que se realizarán unha vez que finalice a construción do novo piso. Tamén haberá novas consultas, unha unidade de coidados paliativos e outras melloras para cubrir as necesidades asistenciais do Salnés.

Faro de Vigo

Sanidade impulsa la reforma del edificio del SPAD con una inversión de 460.000 euros

Enlace a noticia completa premendo eiquí

FÁTIMA FRIEIRO / VILAGARCÍA

El Consello da Xunta también aprobó ayer una inversión de 328.266 euros para los trabajos de ampliación que se están ejecutando en estos momentos en el Hospital Comarcal. El pasado 31 de julio ya fue aprobado el Decreto sobre la extinción de las fundaciones públicas hospitalarias por lo que fue designada la comisión liquidadora de las existentes, entre las que se encontraba la de O Salnés.
De todas formas, desde la Consellería de Sanidade se ha aclarado que esta desaparición simplemente figurativa no supondrá el cese de actividad asistencial realizada en los centros sanitarios en que estaban establecidas dado que pasan a integrarse en el Sergas.
De hecho, esta inversión por parte de la Xunta de Galicia permitirá mejorar el equipamiento del centro que, en estos momentos, está inmerso en pleno proceso de ampliación.


Diario de Arousa

O Sergas adicará 328.266 euros para obras de reforma e equipamento no Hospital do Salnés
D. P. > VILAGARCÍA



O Consello da Xunta aprobou onte unha nova partida presupostaria destinada a melloras en diversos centros sanitarios de Galicia. Entre os beneficiados atópanse tanto o Hospital Comarcal do Salnés, en Vilagarcía, como o do Barbanza, situado en Riveira. Tamén se atopan na lista so centros de Cee e Verín. Entre os catro complexos hospitalarios recibirán 1.246.130 euros. Destes, ao centro de Ande correspóndenlle 328.266, que estarán adicados a melloras de equipamento e obras de reforma. Pola súa parte, o Hospital do Barbanza beneficiarase dunha partida de case 300.000 euros para o mesmo fin. Con isto, A Xunta agarda darlle un importante pulo á renovación destes centros médicos básicos no sistema sanitario galego.

O Hospital Comarcal do Salnés, que agora mesmo se atopa inmerso en importantes obras de mellora das súas instalacións, centradas principalmente na ampliación da súa capacidade de camas para pacientes, recibirá en breve unha nova partida de más de 300.000 euros procedentes do Servizo Galego de Saúde, que onte ratificou un investimento de 1,2 millóns de euros destinados, precisamente, a levar a cabo melloras en catro centros sanitarios da rede Galega.
No Consello da Xunta do pasado 31 de xullo foi aprobado o Decreto sobre extinción de fundacións públicas hospitalarias do BArbanza, Virxe da Xunqueira (en Cee), Verín e O Salnés. Con esta medida púxose en marcha o proceso de extinción destas fundacións que se inicia coas actividades liquidadoras previstas na normativa aplicable e que rematará coa inscrición da extinción no Rexistro de Fundacións, acto este que suporá a desaparición da personalidade xurídica das fundacións.

Este feito, tal como se recolle no Decreto, non suporá o cesamento da actividade asistencial realizada nos centros sanitarios en que estaban establecidas, que continuarán a formar parte do Sistema Público de Saúde de Galicia, pasando a integrarse como centros de xestión do Servicio Galego de Saúde.

Así pois, non obstante, o proceso de extinción, cómpre levar a cabo a realización de obras e as dotacións necesarias que garantan o óptimo funcionamento dos centros hospitalarios.


Arousa Norte > No que respecta ao Hospital Comarcal do Barbanza, que está na mesma situación que o centro de Ande, en Rubiáns, gozará dunha partida de 300.000 euros para a mellora do seu equipamento e tamén para as pertinentes obras de adecuación necesarias para modernizar a infraestrutura riveirense, que dá servizo sanitario aos preto de 70.000 habitantes do Barbanza ademais de servir ás localidades da comarca de Noia.

Galicia Hoxe

Sanidade convoca 1.002 novas prazas de traballo para o 2008

Enñace a noticia completa premendo eiquí

Aprobouse o decreto onte á mañá no Consello da Xunta ·· Dividiranse entre 47 categorías sanitarias e delas, 602 serán médicos de familia ·· O 7% serán ocupadas por persoas con algunha discapacidade

REDACCIÓN . SANTIAGO

Sanidade convoca 1.002 prazas de traballo para 47 categorías sanitarias neste ano 2008, das que 602 serán para médicos de familia. Así consta no decreto referente á Oferta de Emprego Público de persoal estatutario licenciado sanitario do Servizo Galego de Saúde, ao que o Consello da Xunta deu o seu visto e prace onte á mañá.

En nota de prensa, a Xunta afirma que "con este decreto, a Consellería de Sanidade cumpre co seu compromiso de convocatoria bienal de Ofertas Públicas de Emprego". Recordan que no 2006 convocouse a primeira oferta de emprego ordinario para facultativos dos últimos 16 anos, e polo tanto a primeira da historia do Servizo Galego de Saúde.

As prazas serán previstas polo sistema de concurso-oposición. O 50% das prazas de cada categoría resérvanse para a súa provisión polo sistema de promoción interna, e máis dun 7% para ser ocupadas por persoas con discapacidade.

Desde a Xunta tamén afirman que o Goberno galego "amosa con esta convocatoria a súa aposta pola mellora da situación laboral dos profesionais do Sistema Público de Saúde de Galicia". O presidente do Goberno galego, Emilio Pérez Touriño, destaca o "impulso decisivo" que o Goberno quere dar a "esa parte de entrada á sanidade, a atención primaria", e aludiu ao compromiso de achegarlles estabilidade aos profesionales e a mellorar o sistema.

Nos tres últimos orzamentos recóllese a creación de 2.748 novas prazas de todas as categorías de persoal, unha cifra superios ás 2.647 prazas creadas nos 8 orzamentos anteriores (entre 1998 e 2005). Estas convocatorias de ofertas públicas de emprego ordinarias e de concursos e traslados forman parte da política transversal do Goberno galego de máis e mellor emprego.

Prensa 22/08/08

Diario de Arousa

Fajardo: “O sistema de listas de espera no Hospital do Salnés incumpre a legalidade”

DAMIÁN PEREIRA > VILAGARCÍA


Fajardo di que o centro está nunha situación “caótica e inasumible”.
Esquerda Unida critica duramente o funcionamento das listas de espera e citas no Hospital do Salnés. Segundo o seu líder, Juan Fajardo, “o sistema empregado é o de apuntar todo nunha libreta de anillas e non dan cita por escrito, co que incumpren a legalidade do sistema sanitario galego”.

O responsable local de Esquerda Unida arremete con dureza contra a directiva do centro médico de Ande e lamenta que “a Consellería de Sanidade aposte tan claramente pola privatización deste servizo, que segue a ser a irmá pobre do goberno galego”.
Fajardo sinala que no Hospital Provincial do Salnés “todo funciona mediante unha lista de espera “B” pola que pasamos todos os usuarios e que consiste nunha chapuza ilegal: Apuntar as solicitudes (entre 40 e 50 diarias) nunha libreta de anillas e dicirlle aos pacientes iso de “xa te chamaremos cando teñamos sitio”. Por iso se pode dicir que neste centro de saúde funcionan dúas listas, a oficial e unha segunda que evita que os usuarios poidan presentar queixas ao non contar cun escrito que os avale”.

E precisamente esta é, segundo o político de esquerdas, a clave para non contar cunha lista de espera e citas como debe ser e como teñen os demais centros de saúde, “aínda que teñan listas de espera sangrantes”.

Fajardo insta á dirección do centro de Ande a que “demostre que o dicimos é falso”, pois hai moitos veciños da comarca que saben que é verdade”. De feito, o líder de Esquerda Unida fai especial fincapé na idea de “denunciar este feito, pois incumpre a lei. Instamos a todos os agravados a que presenten unha queixa por escrito e se precisan asesoramento poden contar con nós”.

O concelleiro vilagarcián insiste en que “os datos oficiais son falsos e calculamos que cada ano hai máis de 1.000 reclamacións” que, segundo a súa opinión veñen a demostrar o mal funcionamento do Hospital do Salnés.


Apelación > Ademais, Juan Fajardo criticou ao Goberno local por “non facer nada. Debería de tomar pate no asunto e esixir melloras á Consellería de Sanidade”.

Non obstante, o que máis destaca o líder de Esquerda Unida é “que a partir de agora os facultativos do centro de Ande cumpran e dean unha cita por escrito a todo aquel paciente que o solicite”, pois sinala que “a dirección do Hospital Comarcal indícalle aos seus traballadores as directrices que deben seguir para negarlle á xente este dereito”.

Fajardo lembra que, hai anos, “a atención para pedir cita era en horario de mañá e tarde e contaba con máis horas. Agora só dispón de tres horas diarias e pola mañá. Isto tamén vai na procura do menor número de queixas posible, xa que moitas persoas non poden pedir cita en horario de 9 a 12 horas, ten que traballar”.

Actas XXII, XXIII e XV. Pleno Xunta de Persoal do Hospital Salnés

Publicanse a continuación trala súa aprobación no pleno ordinario do comité de empresa do Hospital Salnés, celebrado hoxe día 13, as actas XXII, XXIII e XXV:


ACTA VIXESIMOSEGUNDA, COMITÉ EMPRESA HOSPITAL DO SALNES



Asistentes

Patricia Alonso Alonso (UGT)
Ramón Barreiro Paz (D.S CEMSATSE)
María Sol Barreiro Pulido (CCOO)
Jaime Grande Freire (CEMSATSE)
Felipe García Calvo (UGT)
María do Rosario Iglesias Santiago (CCOO)
Celia María Iglesias Franco (CCOO)
Andrea Mariño Álvarez (UGT)
Rafael Martinez-Almeida Fernández (UGT)
Concepción Sánchez Tomé (D.S CCOO)
Monserrat Villar Mouriño







Convócase pleno extraordinario do Comité de empresa da Fundación Pública Hospital do Salnés con data 18/03/08, ás 09:00 hs. na sala de sesións coa seguinte orde do día:

I. Resolucións integración.
II. Proxecto/borrador orde carreira profesional.
III. Escritos demanda categorías estatutarias ausentes.
IV. Lectura e aprobación actas reunión Xerencia.
V. Comisión de contratación.
VI. Rogos e preguntas







I. Resolucións integración

Toma a palabra o presidente do Comité para manifestar que o xoves 13 foi informado dende a xerencia de que a remisión das resolucións tería lugar o pasado luns 17 de marzo e que no día de hoxe tras o seu requirimento dende persoal informouse de que o motivo do incuprimento de datas é a pretensión de remisión conxunta de tódalas resolucións ás catro Fundacións Públicas Hospitalarias por parte da Consellería, agardándose estas a finais deste mes.


II. Proxecto/borrador orde carreira profesional.

Ten lugar debate plenario en relación ao Proxecto da Orde para o acceso a carreira profesional do persoal orixinariamente de entidades adscritas a Consellería de Sanidade e integrado ao réxime estatutario polos procesos previstos no Decreto 91/2007.
Chegase ao acordo unánime tras sometelo a votación de manifestar a dirección de RRHH do SERGAS o total rexeite o proxecto de orde, xa que racha co espírito de negociación presente durante todo o proceso de integración, posto que non se recollen nela a igualdade de condicións para os traballadores das institucións do sistema sanitario de Galiza que se acolleron ao réxime estatutario tal como se promulgaba no Decreto 91/2007. Solicitándoselle:
• Que a orde da Consellería de Sanidade que determine os requisitos e o sistema de avaliación para o acceso ao recoñecemento previo do nivel profesional sexa equiparebel e ecuánime os termos recollidos para o persoal estatutario
• Que se teñan en conta os servizos prestados como persoal estaturario.
• Que os requisitos deben de ser coetáneos aos efectos económicos datados e recollidos para as categorías de persoal licenciado e diplomado sanitario no Decreto 91/2007.
• Que o acceso extraordinario á carreira profesional do persoal das categorías de xestión e servizos e sanitarias de formación profesional se faga dacordo a resolución conxunta do 25 de outubro de 2007, da Secretaría Xeral do Servizo Galego de Saúde.


III Escritos demanda categorías estatutarias ausentes.

Toma a palabra o presidente do comité para pronunciarse sobre a idoneidad do momento da presentación da reclamación das categorías profesionais estatutarias ausentes e precisas no centro tal como se refrendou no último pleno extraordinario, xa que no momento actual ainda non se achegaron as resolucións de integración e ábrese un proceso negociador sobre o borrador de proxecto de carreira profesional.

Ábrese debate plenario ao respecto someténdose a votación dito aspecto sendo o resultado da mesma o que segue:

Votos a favor da presentación da reclamación: 7
Votos en contra: 2 (Rafael, Felipe)
Abstencións: 0


IV. Lectura e aprobación actas reunión Xerencia.

Dáselle lectura a Acta VII da reunión conxunta mantida polo comité de empresa coa xerencia en data 17/09/07.
Sométese a votación a aprobación sendo o resultado da mesma:

Votos a favor: 6
Votos en contra: 0
Abstencións: 4

Ten lugar debate plenario sobre o período de remisión por parte da xerencia das actas os membros do comité de empresa acordándose de xeito unánime a petición de remisión das mesmas cunha antelación mínima dunha semana o vindeiro feito causante .

Sendo ás 12:50 ten lugar de acordo maioritario un receso de 10 minutos.

Dáselle lectura a Acta VIII da reunión conxunta mantida polo comité de empresa coa xerencia en data 27 de Novembro de 2007 sobre a cal de xeito maioritario se presentan as seguintes alegacións:
• Que na páxina catro dentro de Cálculo de Xornada donde figura “A dirección comunica que dende o día 1 de xaneiro de 2008 comezará a aplicarse a redución de xornada por traballos en quenda de noite, de xeito proporcional para aquelas persoas que teñan un contrato inferior a o ano tale como solicitaba a parte social. A parte social manifesta a súa aprobación a esta decisión” debería figurar que o manifestado polo comité de empresa foi que dita redución tivera lugar de inmediato. Así mesmo en dito parágrafo non se desenrola o segundo punto nin o terceiro, no tocante o compromiso adquiro pola parte empresarial de cumprir o axuste de xornada para o 2008 a tódolos traballadores e o recalculo da aplicación por redución por coidados de fillos por parte da directora de enfermería cunha representación do comité de empresa tal como tivo lugar.

• Que na páxina cinco no segundo parágrafo “O Comité de Empresa manifesta o seu total acordo coa interpretación, e plena satisfacción pola adopción da decisión sobre........ao igual que outras fundacións” se suprima dito parágrafo posto que a solicitude do comité foi que dito recoñecemento se producise a efectos do 1 de Xullo de 2007.


V. Comisión de contratacións.

Toma a palabra Patricia Alonso como membro do comisión de contratacións para manifestar que lle foi remitido dende o servizo de persoal un e-mail solicitándoselle a elección sobre a remisión a esta comisión das copias básicas de contratos ou no seu defecto dos listados de contratación.

O pleno do Comité de Empresa solicita aos membros da comisión que manifesten que lles interesa máis en beneficio do traballo que desempeñan; Patricia expresa que os listados de contratación son máis útiles para o seguimento, o cal é ratificado polo pleno sen menoscabo do dereito a solicitar información puntual contractual ou copias simples do contrato en caso necesario en calquera momento por parte de calquera membro do Comité de Empresa.

VI. Rogos e preguntas

I. Toma a palabra Jaime Grande que manifesta e achega a reclamación de Dona Isabel Muñiz Lorenzo no tocante ao non abonamento da parte proporcional de obxetivos.
II. Toma a palabra Sol Barreiro para por de manifesto o incuprimento na concesión dos permisos legalmente establecidos no Sergas por parte da xerencia, acordándose de xeito unánime publicitar o cadro de permisos legalmente establecidos no SERGAS acompañados dunha nota que chame no caso de denegación a remisión por escrito do mesma a calquera dos membros do comité de empresa para levar a cabo as actuacións legalmente previstas.

III. Toma a palabra Andrea Mariño comunicando ao pleno que non se cumpriu o compromiso de máximos proposto pola xerencia perante a reclamación das auxiliares da segunda planta, acordándose tratalo na vindeira reunión conxunta coa xerencia. Manifesta tamén que non lle foron abonados os obxetivos ao persoal que estivo en situación de baixa por risco de embarazo e lactación.

IV. Abórdase no comité trala publicación en prensa (Faro de Vigo 18/03/08) no día de hoxe do probable peche da unidade de hospitalización segunda planta durante o verán reclamar a xerencia información e a búsqueda dun acordo con respecto a situación que se poda plantexar no persoal.


V. Propónse que se establezan uns prazos de resposta aos escritos dirixidos desde a Secretaria do comité aos seus membros para darlle máis axilidade e que se poida ratificar a validez dos escritos efectuados sobre os acordos plenarios. Non habendo ningunha obxección por parte dos membros do comité de empresa presentes en que se estableza un período de sete días naturais para que os membros do comité emitan a súa resposta, entendéndose que se esta non se produce nese prazo a mesma será positiva e manifestamente de acordo coa súa tramitación. Queda pendente propor na orde do dia dunha sesión plenaria o tratamento deste acordo para ratificalo e darlle validez e vixencia.


En Vilagarcía de Arousa 18 de Marzo do 2008.

Asdo. Rafael Martinez-Almeida Fernández

(Presidente do Comité de Empresa)


Asdo. Felipe García Calvo

(Secretario do Comité de Empresa)



ACTA VIXESIMOTERCEIRA, COMITÉ EMPRESA HOSPITAL DO SALNES




Asistentes

Patricia Alonso Alonso (UGT)
María Sol Barreiro Pulido (CCOO)
Lidia Costa Cruz (D.S CIG)
Juan Carlos García García (CIG)
Felipe García Calvo (UGT)
Jaime Grande Freire (CEMSATSE)
Antonio Ramón González Campaña (UGT/D.S UGT)
María do Rosario Iglesias Santiago (CCOO)
Andrea Mariño Álvarez (UGT)
Rafael Martinez-Almeida Fernández (UGT)
Beatriz Poceiro Hermida (CEMSATSE)
Concepción Sánchez Tomé (D.S CCOO)
Monserrat Villar Mouriño













Convócase pleno ordinario do Comité de empresa da Fundación Pública Hospital do Salnés con data 09/04/08, ás 09:00 hs. na sala de sesións coa seguinte orde do día:

I. Lectura e aprobración, se procede, das actas: XX, XXI, XXII.
II. Elección membro do comité para representación Formación Continuada.
III. Concesión de permisos e xustificación.
IV. Acumulación horas sindicais.
V. Comisións de servizo.
VI. Celadores.
VII. Regularización nóminas
VIII. Listas de contratación.
IX. Reunión con Xerencia.
X. Rogos e preguntas.
XI. Horas sindicais.
XII. Rogos e preguntas.









I. Lectura e aprobración, se procede, das actas: XX, XXI, XXII

Dáselle lectura a acta XX, someténdose a votación a súa aprobación, sendo os resultados tal como seguen:
Votos a favor: 8
Votos en contra: 0
Abstencións: 1 (Monserrat)
Queda aprobada a acta XX.

Dáselle lectura a acta XXI, someténdose a votación a súa aprobación, sendo os resultados tal como seguen:
Votos a favor: 5 (UGT)
Votos en contra: 4 (María Sol, Jaime, Juan Carlos, María do Rosario)
Abstencións: 1 (Monserrat)
Queda aprobada a acta XXI.

Dáselle lectura a acta XXII, tras debate plenario aprázase o seu sometemento a votación para a súa aprobación.


II. Elección membro do comité para representación Formación Continuada

Aprázase por unanimidade a elección do membro do comité de empresa para a representación Formación Continuada ata a recepción da información relativa dende a xerencia.


III. Concesión de permisos e xustificación.

Toma a palabra Sol Barreiro Pulido para manifestar ao pleno a existencia de problemas na concesión de permisos así coma na solicitude de requisitos.

Jaime Grande propón a elaboración dun pacto de permisos conxuntamente coa xerencia no que se consensúen os criterios de disfrute así como os requisitos e criterios de concesión.

Tras debate plenario e por unanimidade acórdase solicitar a xerencia a elaboración duns criterios consensuados donde se unifiquen os criterios de petición de permisos retribuidos e non retribuidos así como os criterios de concesión.



IV. Acumulación horas sindicais

Toma a palabra Sol Barreiro comunicando ao pleno que noutros centros do Sergas existe a posibilidade de cesión de horas e a creación dunha bolsa de horas dentro de cada forza sindical.

Tras debate plenario acórdase tratalo no vindeiro pleno trala reunión que vai ter lugar a continuación coa xerencia na cal se abordará este punto.



V. Comisións de servizo.

Sol Barreiro manifesta ao pleno sobre a existencia de solicitudes de comisións de servizo para o noso centro e que se atopan pendentes das resolucións.

Acórdase por unanimidade solicitar a Xerencia información relativa ao posicionamento da mesma ao respeito de ditas comisións.


VI.Celadores.

Sol Barreiro informa ao pleno do apoio dos celadores da área de Santiago e de Pontevedra a unha posible reclamación de celadores dende o Hospital do Sálnes.

Acórdase de xeito unámime agardar a reunión coa xerencia que terá lugar a continuación e na que se informará ao comité de empresa sobre a previsión de ampliación da planella do centro e a incorporación de celadores.











Sendo ás 12:25hs estando prevista a reunión con xerencia para as 12:30hs ao abeiro do regulamento do Comité de Empresa os puntos que non se trataron no pleno serán incorporados de xeito ordinal non próximo pleno.


En Vilagarcía de Arousa 09 de Abril do 2008.


Asdo. Rafael Martinez-Almeida Fernández

(Presidente do Comité de Empresa)

Asdo. Felipe García Calvo


(Secretario do Comité de Empresa)



ACTA VIXESIMOQUINTA, COMITÉ EMPRESA HOSPITAL DO SALNES


Asistentes

Patricia Alonso Alonso (UGT)
María Sol Barreiro Pulido (CCOO)
Lidia Costa Cruz (D.S CIG)
Juan Carlos García García (CIG)
Felipe García Calvo (UGT)
Antonio Ramón González Campaña (UGT/D.S UGT)
María do Rosario Iglesias Santiago (CCOO)
Celia María Iglesias Franco (CCOO)
Andrea Mariño Álvarez (UGT)
Rafael Martinez-Almeida Fernández (UGT)
Concepción Sánchez Tomé (D.S CCOO)










Convócase pleno extraordinario do Comité de empresa da Fundación Pública Hospital do Salnés con data 11/06/08, ás 10:00 hs. na sala de sesións coa seguinte orde do día:

I. Lectura e aprobración, se procede, das actas XXII, XXIII, XXIV.
II. Comisión seguimento obxetivos.
III. Vacacións e permisos.
IV. Valoración do estado da petición de celadores.
V. Traslado pacentes ao CHOP durante época estival.Sala observación ubicada en rehabilitación.
VI. Praza saúde laboral. Risco lactación.
VII. Gardería.
VIII. Rogos e preguntas.









I. Lectura e aprobración, se procede, das actas XXII, XXIII, XXIV.

Aprázase por unanimidade dos asistentes a lectura e aprobación das actas ao vindeiro pleno da xunta de persoal.


II. Comisión seguimento obxetivos.

Tras debate plenario acórdase por unanimidade a solicitude á xerencia da creación en forma, da comisión de seguimento de obxetivos encargada da deficinición e valoración dos obxetivos do cadro persoal facultativo.




III. Vacacións e permisos

Dado que non se produciu resposta da dirección a proposta de cadro de permisos elaborado dende a xunta de persoal, acórdase por unanimidade solicitar reunión urxente á dirección no prazo dunha semana para abordar este punto pendente.


IV.Valoración do estado da petición de celadores.


Toma a palabra Jaime Grande comunicando que a xerencia mantivo reunións por separado co CEMSATSE, CIG e CCOO no tocante a reclamación de celadores. Informa ao pleno solapándoo co punto seguimente da reclamación do CEMSATSE no tocante ao reforzo da area de urxencias e a dotación de persoal específica para a área de observación sita na área de rehabilitación, indicando que durante a negociación dende a xerencia se lle informou que a dotación persoal desa sala proviría do cadro de persoal da área de urxencias.


Toma a palabra Celia comunicando que a xerencia mantivo reunións por separado con cada organización sindical, nas cales lle esixiron a manifestación por escrito de que as funcións de celadores non se ían a desenvolver por parte de ningunha outra categoría profesional. Manifesta tamén que para a CIG, CEMSATSE e CCOO os 18 celadores non son suficientes para dar cobertura a tódolos servizos e que continuaran coas mobilizacións coa intención de aumentalas.

Toma a palabra Rafael Martinez manifestando que co acordo asinado pola UGT coa xerencia se garante non so a incorporación da categoría de celadores en Outubro, se non que tamén se consolidadaran 13 postos de técnicos en coidados auxiliares de enfermaría, ademais de garantirse a cobertura a tódolos servizos e coa intención de ir aumentándose o número de celadores

Sendo ás 11:55hs ten un receso de 15 minutos a petición de CIG, CEMSATSE, CCOO.

V.Traslado pacentes ao CHOP durante época estival.Sala observación ubicada en rehabilitación.

Toma a palabra Juan Carlos plantexando a necesidade de pedila distribución de cadro de persoal e cargas de traballo durante o período estival, onde figure a dotación de persoal precisa e os criterios de traslados. Acórdase por maioría achegar dita petición a dirección do centro.



VI. Praza saúde laboral. Risco lactación.


Os membros do Comité de Seguridade e Saúde Laboral informan que finalizou o prazo de solicitude por parte dos traballadores da praza de saúde laboral, habiendose recibido unicamente unha petición, a pesar do esforzo realizado para dar publicidade á convocatoria da praza.

Devandita solicitude parece que non cumpre os requisitos para a concesión da praza de saúde laboral por motivos inherentes ao propio traballador e ademais este xa se atopa traballando na área ambulatoria, onde se ubicaria a praza de saúde laboral.


Este asunto será tratado no seo do Comité de Seguridade e Saúde Laboral, pero adiantan que se pactou coa Dirección, a proposta dos delegados de prevención, o manter aberto indefinidamente o prazo de solicitude.


En canto á concesión de baixas laborais por risco durante a lactación, infórmase que novamente se están denegando.

Actualmente non consta ningún documento emitido pola empresa Norprevención coa denegación do risco.

O INS respondeu aos traballadores afectados que o informe da mutua sobre a valoración de riscos, especialmente o biolóxico, non era detallado, polo que segundo informa Lida e Jaime, o INS pediu un informe ao servizo de prevencion de Pontevedra e a Norprevención sobre os riscos.

Solicitarase unha reunión do Comité de Saúde e Prevención con Norprevención e coa Dirección e logo verase a implicación do Comité de Empresa.

Charo expón que como Delegada de Prevención só lle deron as horas da reunión e pedira 7, o resto descontáronllas do seu credito horario sindical

VII. Gardería.

Andrea expón a posibilidade de abrilo pola tarde. Recoñece conversas coa Dirección e que esta podería ser favorable á formulación de abrir a guarderia en quenda de tarde contratando a dous profesionais máis.

Xorde o debate sobre a variabilidade do horario para adaptarse ao traballo a quendas.
Isto poderíase resolver cun custo adicional incrementado á tarifa dunha soa quenda que permitise aos pais dispor da posibilidade de alternar ambos os horarios.

Xorde o debate sobre o numero de solicitudes e traballadores afectados pola medida, reconociendose que a maior parte do persoal que leva aos seus fillos pola mañá poderían verse beneficiados ademais de novas incorporacións ao cubrir mellor as necesidades co incremento de horario.


VIII . Rogos e preguntas


Non hai rogos nen preguntas



En Vilagarcía de Arousa 11 de Xuño do 2008.


Asdo. Rafael Martinez-Almeida Fernández

(Presidente do Comité de Empresa)

Asdo. Felipe García Calvo


(Secretario do Comité de Empresa)

Listados contratación temporal Xullo 2008

A continuación podes consultar as listas de contratacións temporais que se produciron no mes de Xullo do 2008 no Hospital do Salnés, nas categorías de DUE, Técnico en coidados auxiliares, Técnico de Laboratorio, Técnico de Raios, e PSX.

A liña horizontal de números correspóndese coa relación de días do mes, a vertical co número da lista de contratación, e os "x" indican os días traballados.

Asi mesmo recórdarvos que según se recolle no pacto de contratacións de constatarse un erro material ou de feito nos chamamentos e posterior vinculación a prol dun aspirante, que pola súa orde de puntuación no lle corresponde, procederase, no prazo dos 15 días seguintes á revogación do nomeamento expedido por tal circunstancia, previa denuncia dalgún dos interesados.

Recordárvos tamén, que o e-mail do comité de empresa é _SALComitedeEmpresa@sergas.es.

Podes descargar o listado de contratación temporal en excel premendo eiquí

OPE 2006: Listado definitivo DUE

Hoxe sae no DOG a resolución que publica a baremación definitiva de DUE, asi como o listado de seleccionad@s.

Podedes consultar a resolución premendo eiquí

Agora ábrese o prazo dun mes, a partir de mañá, para que os seleccionados presenten a fotocopia compulsada da titulación esixida. No caso de promoción interna, tamén certificado de ser propietario da praza anterior. E no caso de acceder pola quenda de discapacidade, documentación que o acredite.

Prensa

La Voz de Galicia
O BNG pide que a proba de galego sexa eliminatoria nas oposicións do sistema sanitario

Bieito Lobeira critica que algúns médicos pidan aos seus pacientes que se expresen en castelán.

Enlace a noticia premendo eiquí

Autor:
EFE
Data de publicación:
8/8/2008
Hora:
Actualizada ás 13:46 h

O BNG presentou unha proposición non de lei para que o Parlamento inste á incorporación da lingua galega no sistema sanitario, na que pide que a materia de coñecemento deste idioma sexa «eliminatoria» nas futuras ofertas públicas de emprego.
O portavoz en materia de Lingua do BNG, Bieito Lobeira, denunciou en conferencia de prensa que o da sanidade é «un dos peores sectores» na utilización do galego.
Nese sentido expresou a súa esperanza de que «non sexa difícil chegar a un acordo» entre as tres forzas políticas parlamentarias, a pesar de que neste ámbito «hai moito intento de quedar ben cos amos de Madrid», comentou.
Lobeira indicou que as probas actuais non garanten o dominio oral da lingua galega, polo que tamén propuxo que se poña en marcha un plan de formación para os profesionais non galegos xa integrados no sistema.
O deputado do BNG explicou que os maiores de 65 anos, que son os principais usuarios do sistema de saúde, utilizan o galego sempre ou de forma habitual e criticou que algúns médicos piden aos seus pacientes que se expresen en español, o que «vulnera» os dereitos lingüísticos e motiva numerosas queixas de cidadáns.
Ademais, reprochou que algúns profesionais utilicen o castelán como «idioma basee» con persoas que necesitan terapias de logopedia, unha actitude que cualificou de «antiprofesional», polo que reclamou que estes programas de adapten á lingua materna do paciente.
O portavoz do BNG en materia lingüística indicou tamén que algúns altos cargos da Consellería de Sanidade e do Servizo Galego de Saúde non utilizan o galego no desempeño das súas funcións públicas, en contra do acordado no plan xeral de normalización da lingua galega aprobado polo Parlamento autonómico en 2004.
Lobeira reclamou, ademais, que se inicien programas coa industria farmacéutica para que os prospectos e os envases de medicamentos inclúan unha versión en galego.
Tamén avogou por desenvolver campañas nas farmacias para promover o uso desta lingua, así como nas clases das facultades de medicamento e farmacia e das escolas de enfermería.
O deputado do BNG dixo que o uso da lingua materna do paciente permite un «mellor trato terapéutico» e sinalou que os manuais deontolóxicos neste ámbito recomendan unha atención personalizada, que ao seu xuízo inclúe a propia lingua.

Prensa 2/08/08

Diario de Arousa

A instalación dun guindastre inicia as obras para a terceira planta do Hospital do Salnés

REDACCIÓN > VILAGARCÍA


Alcuba iniciou a montaxe do guindastre e o traslado dos materiais.
Os operarios da empresa que se encargará de executar a primeira fase da ampliación do Hospital atópase estes días instalando a maquinaria necesaria para os traballos. O máis visible é un guindastre, pero tamén se poden ver ao redor do centro outros materiais que Alcuba está a acumular en previsión de que as empresas provedoras pechan durante o mes de agosto.
Os responsables da compañía indicaron que están a solicitar todo o material necesario para non ter que parar as obras en ningún momento e cumprir así o prazo previsto de reabrir a segunda planta, un espazo que o pasado 1 de xullo quedou baleiro.

Nestas últimas semanas foron un total de 53 pacientes da área sanitaria do Salnés os que foron derivados ao Complexo Hospitalario de Pontevedra, aínda que desde o Sergas aseguran que nunca se excederon 20 camas ocupadas ao mesmo tempo, cumprindo así o cociente calculada por Sanidade, o CHOP e o Hospital do Salnés.

Desde o Sergas reiteraron onte as desculpas polas molestias que durante os próximos meses as obras poidan causar aos pacientes, aínda que inciden en que se están cumprindo os prazos previstos. Neste sentido, insisten en que a segunda planta volverá estar operativa a partir do 1 de outubro e que os traballos correspondentes á primeira fase da ampliación do Hospital do Salnés estarán totalmente finalizados a final de ano.

La voz de Galicia

Comeza a construción da terceira planta do Hospital do Salnés
Autor:
La Voz
Data de publicación:
2/8/2008

Enlace a noticia completa premendo aquí

A empresa concesionaria da primeira fase das obras de ampliación do Hospital do Salnés, Alcuba, acaba de iniciar a construción da terceira planta do complexo sanitario arousán, coa instalación da maquinaria necesaria. Ao longo dos últimos días, os operarios da compañía traballaron na montaxe dun guindastre e no traslado dos materiais precisos para levar a cabo a obra, labores que continuarán ao longo da semana próxima.
Ata o momento, a empresa solicitou todo o material preciso para executar os traballos, debido ao peche vacacional que as empresas provedoras realizan en agosto. De aí a necesidade, apuntan fontes do hospital, de facerse con todo o necesario para poder «apurar durante este mes ou levantamento do novo andar e poder abrir ou segundo, pechado dende inicios de xullo, non prazo previsto».
Ao longo deste primeiro mes foron trasladadas ao Complexo Hospitalario de Pontevedra 53 persoas da área sanitaria do Salnés, aínda que nunca se excedeu a cifra de 20 camas ocupadas á vez. Desta forma, explica a dirección do centro, «mantívose a cociente nos límites calculados non seu día polo Servizo Galego de Saúde e as xerencias do CHOP e ou propio Hospital do Salnés». Neste sentido, os responsables do complexo reiteran as súas desculpas polas molestias que se poidan causar, pero insisten en que os prazos previstos estanse cumprindo, polo que calculan que a segunda planta poida abrirse o 1 de outubro.

OPE 2006: Listado definitivo Auxiliares enfermaría e PSX

Publicada resolución 1/08/08, relativa a fase de concurso da OPE das categorías de P.S.X e AUXILIAR DE ENFERMARÍA.

-Publicase no anexo I desta resolución, as puntuacións definitivas da baremación da fase de concurso, obtidas polos aspirantes das categorías de persoal de servizos xerais e auxiliar de enfermaría, e ademais na páxina web www.sergas.es. A estimación ou desestimación das devanditas reclamacións á baremación provisional entenderanse
implícitas nesta resolución de publicación.

-Declarase aspirantes definitivamente seleccionados aos indicados no anexo II, de conformidade coa totalidade das prazas ofertadas, en atención ás posibles quendas de acceso.

-Só os aspirantes definitivamente seleccionados deberán achegar inescusablemente a
seguinte documentación, no prazo dun mes contado a partir do día seguinte ao da publicación desta resolución, pois pola contra quedarían excluídos do proceso selectivo:

a) Fotocopia compulsada do título exixido para o
ingreso na correspondente categoría, segundo o disposto
no anexo I da Resolución da Secretaría Xeral do
Servizo Galego de Saúde do 8 de agosto de 2006 (DOG
nº 156, do 14 de agosto) e do 22 de decembro de 2006
(DOG nº 247, do 27 de decembro), así como acreditación
que faga fe do requisito común da nacionalidade,
no caso de non ser a nacionalidade española.

b) Os participantes que accedan polas quendas de
promoción interna e de persoas con discapacidade
deberán achegar, ademais da documentación anteríor,
orixinal ou certificación compulsada acreditativa
para acceder pola correspondente quenda.


Consulta a resolución completa premendo aquí

A Xunta aproba a extinción da Fundación do Hospital, que será efectiva o 31 de decembro

Diario de Arousa 1/08/08

REDACCIÓN > VILAGARCÍA

A Fundación Pública Hospitalaria do Salnés deixará de existir de forma efectiva o próximo 31 de decembro, segundo o decreto aprobado onte polo Consello da Xunta de Galicia. Coa aprobación deste documento culmínase o proceso de todas as fundacións, o que suporá, recordan desde a administración autonómica, unha mellora para o cadro de profesionais e para a calidade da asistencia sanitaria que se oferta nestas instalacións.
Desde a Xunta apuntan tamén que este cambio redundará nunha maior homogeneidad do Sistema Público de Saúde de Galicia.

Como a extinción se fará efectiva a finais deste ano, os próximos orzamentos de Galicia para o ano 2009 non estipularán unha partida diferenciada para estas fundacións, senón que a contía total fará referencia xa aos 14 centros hospitalarios que forman o Servizo Galego de Saúde.

Segundo o establecido onte no Consello da Xunta de Galicia, por cada unha das fundacións que se van a extinguir designarase unha comisión liquidadora integrada por tres auditores de contas que non estiveron vinculados a elas nos cinco anos anteriores.

Con este decreto recoñécese o ?fracaso do modelo organizativo en que se situaron estas fundacións sanitarias de carácter asistencial que non alcanzaron vos obxectivos de eficacia, eficiencia e mellora dá calidade dous servizos inicialmente propostos, ademais de impedir que vos seus profesionais se puidesen desprazar ao Sistema Nacional de Saúde, ou que constitúe unha auténtica barreira profesional ao seu progreso laboral?.

Insisten en que se mellorará a calidade asistencial, ademais dos beneficios aos profesionais.

La Voz de Galicia

consello dá xunta
A Xunta disolve a Sociedade Comarcal e catro fundacións
Potenciará a Axencia Rural e o Banco de Terras

Enlace a noticia completa premendo aquí
Autor:
Luís Villamor
Data de publicación:
1/8/2008

A Administración paralela da Xunta é, desde onte, un pouco máis delgada , ao acordar o Consello do Executivo a disolución da Sociedade para ou Desenvolvemento Comarcal e a súa desvinculación das 34 fundacións que dela dependían.
A Xunta desmárcase para evitar duplicidades, «reducir gasto público» e lograr «máis eficacia» no desenvolvemento rural, que desde agora pivotará sobre a Axencia Galega de Desenvolvemento Rural -que substitúe á Sociedade- e o Banco de Terras de Galicia, segundo explicou o presidente da Xunta. Os traballadores da sociedade disolta serán recolocados, segundo Medio Rural. Os pertencentes ás fundacións poderán continuar se así o decidisen os membros do padroado -entre eles figuran os concellos-, que terán que dirimir se manteñen finalmente estas entidades.
«Este é ou modelo que tingamos comprometido nos pactos de Goberno e ao que se dá cumprimento con este proxecto de lei», puntualizou Emilio Pérez Touriño, en referencia ao texto aprobado polo Consello, que modifica a Lei de Desenvolvemento Comarcal de Galicia.
Os cambios introducidos afectan ao artigo que determinou a composición dos padroados das fundacións comarcais, co fin de que o seu impulso resida nos axentes públicos e privados de cada territorio. Inclúense non só representantes municipais e dos sectores estratéxicos e produtivos da comarca, senón tamén axentes doutros ámbitos económicos e sociais.
O Executivo aprobou tamén o decreto de extinción das fundacións públicas hospitalarias de Barbanza (Ribeira), Virxe dá Xunqueira (Cee), Verín e O Salnés (Vilagarcía de Arousa). Nos orzamentos do 2009 xa non haberá consignación para estas entidades, que reverten no Servizo Galego de Saúde. Esta decisión, segundo o presidente da Xunta, responde ao fracaso do seu modelo organizativo e a «que non acadaron vos obxectivos de eficacia, eficiencia e mellora dá calidade dúas servizos propostos inicialmente, ademáis de impedir que vos seus profesionais se puideran desprazar ao sistema nacional de saúde».